Félagsvísindasvið | Roskvaroskva Is

Frambjóðendur á Félagsvísindasviði

Kosningar til Stúdentaráðs Háskóla Íslands

Aðalfulltrúar

Oddviti - 1. sæti

Vignir Berg Pálsson

Stjórnmálafræði

Hver ertu og hvaða málefni brennuru mest fyrir á þínu sviði?

Ég er á öðru ári í stjórnmálafræði og hef síðastliðið ár verið forseti Politica, sem hefur reynst bæði lærdómsríkt og gefandi. Ég brenn fyrir bættri aðstöðu nemenda og nemendafélaga á sviðinu, auk fjölbreyttari og sveigjanlegri kennsluaðferða, meðal annars með auknu framboði fjarnáms.

2. sæti

Gabríel Leó Ívarsson

Viðskiptafræði

Hver ertu og hvaða málefni brennuru mest fyrir á þínu sviði?

Ég er 22 ára viðskiptafræðinemi á öðru ári. Frá því að ég byrjaði í háskólanum hef ég tekið eftir því að aðstaðan er frekar ógeðsleg í Odda og ekkert hefur breyst, aðgengi fyrir hreyfihamlaða er ekki nægilega gott og allir áfangar eru 6 einingar þrátt fyrir mismunandi álag. Það er lágmark að aðstaðan í Odda sé snyrtileg, að allir stúdentar geta komið sér á milli staða á einfaldan hátt og að einingafjöldinn endurspegli raunverulegt vinnuframlag stúdenta!

3. sæti

Sif Káradóttir

Lögfræði

Hver ertu og hvaða málefni brennuru mest fyrir á þínu sviði?

Ég er tvítug laganemi og eins og flestir í lögfræðinni þekkja þá er bókakostnaður mikill, þörf á betri aðstöðu í lögbergi og sveigjanleika í náminu. Það virðist vera mikil þörf á breytingum í stúdentaráði til að standa vörð um hagsmuni okkar stúdenta og listar Röskvu eru skipaðir af fólki sem þorir að tala gegn óréttlæti og er með hjartað á réttum stað.

4. sæti

Íris Embla Stefánsdóttir

Félagsráðgjöf

Hver ertu og hvaða málefni brennuru mest fyrir á þínu sviði?

Ég heiti Íris Embla og er á fyrsta ári í félagsráðgjöf. Mér finnst mikilvægt að rödd allra nemenda heyrist og mig langar að leggja mitt af mörkum til að bæta námsumhverfið og efla sterkt og jákvætt háskólasamfélag.

5. sæti

Auður Halla Rögnvaldsdóttir

Stjórnmálafræði

Hver ertu og hvaða málefni brennuru mest fyrir á þínu sviði?

Auður halla heiti ég og er 22 ára stjórnmálafræðinemi. Ég hef verið í Röskvu í eitt ár og er núna forseti málefnanefndar. Ég brenn fyrir því að bæta kjör stúdenta í samfélaginu. Mín skoðun er að nemendur eigi ekki að borga fyrir opinbera háskólamenntun, þar sen menntun er ein besta fjárfesting sem stjórnvöld geta gert. Ég vil berjast fyrir þeirri hugsjón með kjafti og klóm.